Владимир Путин Татарстан гаиләсен «Ата-ана даны» орден медале белән бүләкләде
Татарстаннан Усмановлар гаиләсе «Ата-ана даны» орден медале белән бүләкләнде.
Шул хактагы указны Россия Президенты Владимир Путин имзалаган, документ хокукый актлар рәсми порталында урнаштырылган.
Миләүшә һәм Ирек Усмановлар «Гаилә институтын ныгытуда һәм балаларны тәрбияләүдә зур хезмәтләре» өчен билгеләп үтелде.
Сүз уңаеннан, хәзерге вакытта Татарстанда «Гаилә» илкүләм проекты гамәлгә ашырыла.