Қоғамдық талқылау кезеңінде оның кейбір тұсы журналистік ортада теріс реакция тудырды.

Атап айтқанда, журналистік қоғамдастықта оңай аккредитациядан өтуді қамтамасыз етуге арналған пресс-карталар енгізу жоспары көптеген сұрақтар, тіпті алаңдаушылық тудырды. Бұл ретте уәкілетті органға журналистерді пресс-картасынан айыру құқығы бекітіледі, оны сарапшылар журналистерге қысымның ықтимал құралы ретінде қарастырды.

Сондай-ақ, бастапқы кезеңде заң жобасында журналистің "ерекше жағдайларда" жұмысы туралы екіұшты норма бар еді, ол іс-әрекеттер мен материалдарды лауазымды тұлғалармен келісу, яғни шын мәнінде цензураны көздейтіні айтылды.

Әзірге заң жобасында даулы нормалардың қайсы қалғаны белгісіз. Мәжілісмендер оны қарап, қорытынды дайындайды.