Қазақстан мен Вьетнам президенттері керамика бұйымдарын шығаратын ауылға барды
Қасым-Жомарт Тоқаев пен Во Ван Тхыонг Хайзыонг провинциясында орналасқан керамика бұйымдарын шығаратын Чу Дао ауылына бірге барды. |
Бұл туралы Caravan.kz медиа порталы Ақордаға сілтеме жасап хабарлайды.
Екі ел басшылары дайын өнімдерді қарап көріп, керамика бұйымдарын дайындау процесімен танысты.
![](https://www.akorda.kz/public/assets/media/uploadMedia/1692681407_KZ1_9149_2.jpg)
Содан кейін президенттер арнаулы станокта қыш құмыра жасап көрді.
Қазақстан мен Вьетнам президенттері ауылды аралап көргеннен кейін дайын өнімдерге және құрметті қонақтар кітабына қолтаңбаларын қалдырды.
![](https://www.akorda.kz/public/assets/media/uploadMedia/1692681531_KZ1_9463_2.jpg)
Чу Дао – тарихы біздің дәуіріміздің XII ғасырынан бастау алатын керамика бұйымдарын дайындаудың көне вьетнамдық әдісі. Бұл қолөнер XIV-XV ғасырларда дамып, XVII ғасырда жоғалып кеткен. Алайда 1980-жылдары Ыстанбұлдағы Топкапы музейінен Чу Дао шеберінің қолынан шыққан құмыра табылды.
2001 жылы Ханой сауда корпорациясы осы ежелгі қолөнерді қайта жаңғыртып, көне технология негізінде толыққанды өндірісті жолға қойды.
![](https://www.akorda.kz/public/assets/media/uploadMedia/1692681566_KZ3_6829_2.jpg)
![](https://www.akorda.kz/public/assets/media/uploadMedia/1692681650_KZ3_6811_2.jpg)